"Абзиараз, ашкол!": Аԥсны игеит аҵыхәтәантәи аҵәҵәабжьы

2019 шықәса рзы ашкол иалгеит 1889-ҩык аҵаҩцәа.

Аҵарашықәс ахыркәшара иазкны Аԥсны ақалақьқәа зегьы рҿы имҩаԥган аныҳәатә уснагӡатәқәа. Амҩа ҿыц иқәырҵон, анасыԥи аманшәалареи рзеиӷьашьаны.

Аҵаҩцәа-аушьҭымҭацәа ракәзаргьы, акәашаратәи амузыкатәи номерқәа аздырхиеит, аҵыхәтәантәи авальси амилаҭ кәашарақәеи ддырбеит. Актәи аклассаа реиҳабацәа ашәҭшьыҵәрақәа рырҭеит.

Аҽа аамҭанык иаҩызаны имҩаԥысит аҵыхәтәантәи аҵәҵәабжьы агара Аҟәатәи аҩбатәи ашкол аҿгьы.

1 / 12

2019 шықәса рзы ашкол иалгеит 1889-ҩык аҵаҩцәа.

2 / 12

Аушьҭымҭацәа аныҳәамш аҽны итрадициахаз акәашара «вальс» икәашон.

3 / 12

Аушьҭымҭацәа ирыдныҳәалон аҭаацәеи арҵаҩцәеи.

4 / 12

Аҟәатәи ашкол №4 аушьҭымҭацәа амилаҭ кәашара нарыгӡеит.

5 / 12

Аушьҭымҭацәа ирҳәоит аиԥырҵра шырцәыцәгьоу. Иҟоуп зылабжыш ззымҵәахуагьы.

6 / 12

"Ажәларқәа реиҩызара" акәашара нарыгӡоит Аҟәатәи ашкол №4 аушьҭымҭацәа.

7 / 12

Ихымԥадатәиу атрадициа – амаикақәа аҩырақәа рынҵара. Шьоукы рхы-рҿқәагьы рҩит.

8 / 12

Ашкол абзиараз ҳәа ахьарҳәоз иасимволхеит ажәҩан ҵаула иазыршьҭыз ампышҭа ҭарчқәа.

9 / 12

Аҵаҩцәеи акласс анапхгаҩи абзиараз ҳәа еибырҳәоит.

10 / 12

Класск аҿы аҵара еицызҵо ажәа рибаҭоит ахааназ ишкеибамыжьуазы.

11 / 12

Аҵыхәтәантәи аҵәҵәабжьы геит абылра иацәынхаз аҩбатәи ашкол аҿгьы. Уаанӡеиԥш ашкол ашҭа иқәыҩуан ашәақәа, ажәеинраалақәа, инарыгӡон акәашарақәа.

12 / 12

10-тәи ашкол аушьҭымҭацәа