АҞӘА, лаҵара 30 – Sputnik. Венесуела ахада Николас Мадуро далацәажәеит Норвегиа имҩаԥысуа амчрақәеи аоппозициааи реиҿцәажәара аҩбатәи амш шымҩаԥысыз, иазгәеиҭеит аҵыхәәтантәи ахымз аиҿцәажәарақәа маӡала ишымҩаԥысуаз. Абри атәы аанацҳауеит РИА Новости.
"Норвегиа имҩаԥысит аиҿцәажәарақәа аҩбатәи рымш. Аиҿцәажәарақәа ирылахәын аимадареи аинформациеи рминистр Хорхе Родригес, Адәныҟатәи аусқәа рминистр Хорхе Арреас, аштат Миранда агубернатор Ектор Родригес. Ҳара мҩак ауп иҳамоу – адиалог", - иҳәеит Мадуро.
Мадуро игәаанагарала аиҿцәажәарақәа хра рыманы имҩаԥысит.
"Аделегациа еиҿыскааит. Уаанӡагьы аилацәажәарақәа мҩаԥаагон. Венесуелазы аҭынч ԥсҭазаара сҭахуп", - иҳәеит Мадуро.
Аоппозициаа ргәаанаграла аиҿцәажәарақәа еиқәышаҳаҭрада ихыркәшоуп, аха уи иаанагом зынӡа илҵшәадоуп ҳәа.
"Норвегиа аиҳабыра ҭабуп ҳәа раҳҳәоит апроблема аӡбра алацәажәаразы иаҳзыҟарҵаз ацхырааразы", - аҳәоит аоппозициаа рҳәамҭаҟны.