АҞӘА, рашәара 5 - Sputnik. Мысра (Египет) азинхьчаратә усбарҭақәа русзуҩцәа ааҩык ҭахеит атеррористцәа Синаитәи адгьылбжьаха аҩадатәи ахәҭа, Мысра ақалақь ель-Ариш аполициаа ианрыжәла ашьҭахь. Абри атәы аанацҳауеит РИА Новости, египеттәи ателехәаԥшра адыррақәа шьаҭас иҟаҵаны.
Уаанӡа ателеканал Sky News Arabia адырра ҟанаҵахьан аполициаа рблок-пост иажәлеит ҳәа.
Иҟоу адыррақәа рыла, ажәылара мҩаԥыргеит агәыԥ "Вилаят Сина" алахәылацәа. Атеррористтә гәыԥ "Исламское государство"* иаҟәшоуп.
Аҭыԥантәи АИХ рдыррақәа рыла, аполициаа атеррористцәа ирышьҭоуп.
*Урыстәыла ззин ыҟам атеррористтә еиҿкаара