АҞӘА, рашәара 10 - Sputnik. 30-тәи урыстәылатәи афестиваль "Кинотавр" ааиртит Шәача, Аӡынтәи атеатр аҿы, акультура аминистр Владимир Медински ҳәа аанацҳауеит РИА Новости.
Аба ҟаԥшь иқәсны арахь иааиит: акинофестиваль апрезидент Александр Родниански, арежиссиорцәа Валери Тодоровски, Иван Твердовски, Федор Бондарчук, Владимир Хотиненко, Павел Чухраи, актерцәа Леонид Иармольник, Константин Хабенски, Ирина Горбачева, Павел Прилучныи, Иури Стоианов, Ирина Розанова уҳәа егьырҭгьы.
"Кинотавр" ҳаамҭазтәи акино иарбагоуп, аҟазараҿ ишаԥу еиԥш иаанарԥшуеит апроблемақәа, ахәаԥшҩы дархәыцуеит", - иҳәоит ацеремониатә аартраан Медински.
Аминистр акинематографистцәа ирзеиӷьеишьеит ақәҿиарақәа, даԥхьеит атәыла ахада Владимир Путин иаашьҭымҭа.
"Ииасыз аамҭақәа ирҭагӡаны афестиваль атрадициа шьахәқәа шьақәнаргылеит, ахьӡ-аԥша аманы ахы аанарԥшит, ахаҭабзиара змоу акино уднагалоит", - аҳәоит аашьҭымҭа атекст аҿы.
Уи адагьы аашьҭымҭаҿы иазгәаҭоуп "Кинотавр" Шәача ауааԥсыреи асасцәеи рзы ишныҳәа дуу.
"Алахәылацәа зегьы ишәзеиӷьасшьоит хра змоу аинырра, шәаԥхьаҟатәи шәыгәҭакқәа рынагӡара", - аҳәоит аашьҭымҭа.
Сынтәатәи аконкурстә программа иалахәуп 15 киносахьа: "Sheena 667" Григори Добрыгин, "Бык" Борис Акопов, "Давай разведемся" Анна Пармас, "Куратор" Петр Левченко, "Люби их всех" Мариа Агранович, "Мальчик русский" Александр Золотухин, "Большая поэзия" Александр Лунгин, "Верность" Нигин Саифуллаева, "Выше неба" Оксана Карас, "Гроза" Григори Константинопольски, "Мысленный волк" Валериа Гаи Германика, "Сторож" Иури Быков, "Керосин" Иусуп Разыков, "Однажды в Трубчевске" Лариса Садилова, "Троица" Иан Ге.
Аконкурс хада ажиури ахантәаҩы - актер Константин Хабенски. Ажиури иалахәуп: акомпозитор Алексеи Аиги, акиновед Анжелика Артуих, арежиссер Резо Гигинеишвили, асценарист, арежиссер Наталиа Мешьчанинова, аоператор Алишер Хамидходжаев, актриса Анна Чиповскаиа.
Шәача, рашәара 9 - 16 рзы имҩаԥысуеит аиубилеитә кинофестиваль "Кинотавр".