АҞӘА, рашәара 11 – Sputnik. ЕАА, Аризона аштат аҿы, арра-ҳаиртә база "Люк" аҵараҵара иахысуаз ҭырқәтәылатәи аԥрыҩцәа F-35 ахь инарышьҭуам ҳәа аанацҳауеит РИА Новости амаҵзура Рейтери Пентагон ахаҭарнаки рдыррақәа ҵаҵӷәыс иҟаҵаны.
Уаанӡа ажурнал Foreign Policy иакьыԥхьит Пентагон ахада Патрик Шанахан ҭырқәтәылатәи иколлега Хулуси Акару адырра ииҭеит F-35 аҟны аԥырра зҵо аԥрыҩцәа атәыла ԥхынгәы 31 рҟынӡа иаанрыжьроуп ҳәа.
Аӡбра рыдкылан америка-ҭырқәтәылатәи аиҿцәажәарақәа рышьҭахь. Вашингтон Анкара урыстәылатәи азенит-ракетатә комплекс (ЗРК) С-400 аахәара мап ацәнакырц ақәыӷәӷәара ҟанаҵон. Ҭырқәтәыла акомплексқәа рааххәара мап ацәнамкыр, Вашингтон ҭырқәтәылатәи аруаа апрограмма F-35 иалнагоит ҳәа азгәанаҭон Вашингтон.
Таип Ердоган иакәзар Дональд Трамп идигалеит аицусуратә гәыԥ аԥҵазарц, С-400 рганахь ала.
ЕАА, С-400 НАТО астандартқәа ирықәшәом ҳәа иқәгылоуп.
Анкара уи аҭакс аҳәамҭа ҟанаҵеит С-400 америкатәи F-35 азы шәарҭара алам ҳәа.