АҞӘА, рашәара 27 - Sputnik. Европе ашоура ӷәӷәа аҭыԥ ннакылеит, тәылақәак рҿы 40 градус инахыҳәҳәоит ҳәа аанацҳауеит РИА Новости.
Испаниа аҳҭнықалақь Мадрид амчыбжь нҵәаанӡа 41 градус еиҵахом, Париж, Берлин, Рим – 36-38 градус ашоура ыҟоуп. Асиноптикцәа разыԥхьагәаҭарала рашәара 26-28 еиҳа ианшоуроу мшқәоуп.
Аметеорологцәа ражәаәқа рыла Европатәи ашоура Сахаратәи аԥшақәа роуп изыхҟьо.
Азанааҭуаа иазгәарҭоит асеиԥш иҟоу аҳауа еиҳарак изԥырхаго ахәыҷқәеи зықәра инықәсхьоу ауааи роуп ҳәа.
Франциатәи аметеоролог Гиом Возница агәра ганы дыҟоуп ахәаша ашоура ирекордтәу аҩаӡара - 45 градус рахь инеиуеит ҳәа.
Франциа аҭоурых аҿы 2003 аԥхынмзақәа зеггь раасҭа ишоураз аамҭақәан ҳәа иԥхьаӡоуп.