АҞӘА, рашәара 27 - Sputnik. Урыстәыла ахада Владимир Путин далархәны ауснагӡатә аҟны ирылаҳәан афорум "Армия-2019" аҳәаақәа ирҭагӡаны ҩынҩажәи фба ҳәынҭқарратә еилаӡара напы рыҵаҩуп ҳәа. Апроектқәа иааидкыланы рыхәԥса триллион мааҭ артәоит ҳәа аанацҳауеит РИА Новости.
"Жәларбжьаратәи арра-техникатә форум "Армия-2019" аҳәаақәа ирҭагӡаны ҩынҩажәи фба ҳәынҭқарратә еилаӡара напы рыҵаҩуп. Апроектқәа иааидкыланы рыхәԥса триллион мааҭ артәоит", - ҳәа азгәаҭоуп адырраҭараҿы.
Ахәбатәи жәларбжьаратәи арра-техникатә форум "Армия-2019" мҩаԥысуеит рашәара 25 -30 рзы Москватәи аобласт, апарк "Патриот", аҳаиртә баӷәаза Кубинка, аполигон Алабино рҿы.