Ҷыҭанаа апальмақәа рыхәышәтәразы: алҵшәақәа ыҟоуп
© Sputnik
"Иалагеит аҩбатәи аетап, абжы ҟаԥшь аԥырҟәҟәааразы ахәышәтәра. Ачымазара злаҽны иҟаз апальмақәа рыбжеиҳарак рҟны амахәҭақәа ԥыҟҟаны иҟоуп, ԥасатәи ахәышәтәрагьы алҵшәа бзиагьы аадырԥшит. Ичмазаҩу апальмақәа рхыԥхьаӡара уаҳа иацымлаӡеит, ҿыц иахылҿиаазгьы ыҟоуп – ари лҵшәа бзианы ҳахәаԥшуеит. Ҳара иҳамоуп аинструкциа - апальмақәа рыхәшәтәра аамҭа-аамҭала ишымҩаԥгатәу, уи аплан ала ҳаҿуп. Ахәышәтәра мҩаԥаагоит Гагра, Гәдоуҭа, еиҭа Очамчырантә иаараны иҟоуп ахәшә ргаразы, ажәакала, абжы ҟаԥшь иазкны иаԥҵаз акомиссиа аусура иаҿуп ишахәҭоу еиԥш. Аԥхын иалагӡаны хынтә-ԥшьынтә ахәышәтәра мҩаԥаҳгарц ҳгәы иҭоуп", - ҳәа азгәеиҭеит Ҷыҭанаа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.