Ԥхынгәы 2 инаркны 6-нӡа Аҟәа ақалақь ареспубликатә ахәыҷтәы-қәыԥштә спортшкол аҟны ахацәа рыбжьара имҩаԥысуеит амҵәышәымпыл азы а-IХ-тәи Жәларбжьаратәи атурнир. Уи азкыуп Аԥсны аҩбатәи ахада Сергеи Уасил-иԥа игәалашәара. Атурнир аӡбаҩ хадас дыҟоуп Александр Банников.
"Убасгьы аицларбақәа ирылагӡаны азыҟаҵаҩцәа рзы асеминарқәа еиҿкаахоит. Урҭ мҩаԥигоит аҭҵаарадыррақәа рдоктор, апрофессор, амҵәышәымпыл азы Санкт-Петербургтәи иреиҳаӡоу ашкол адиректор, СССР аспорт азҟаза Сергеи Елевич. Атурнир Аԥсны анҭыҵынтәи быжь-командк алахәуп, аабатәи ҳара ҳкоманда ауп. Сынтәа амҵәышәымпыл азы аицлабрақәа анцо аамҭазы азыҟаҵаҩцәа рзгьы асеминар мҩаԥгахоит. Уи ҳгәы иҭеижьҭеи акрааҵуан, иахьалыршахо ҳаигәырӷьоит", - лҳәеит Занҭариаԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.