АҞӘА, ԥхынгәы 11— Sputnik. МИА "Россия сегодня", ателеканал RT аредактор хада Маргарита Симониан адгылара алҭеит асенатор Алексеи Пушков иаԥшьгамҭа – RT, Sputnik амаҵзурақәа ахьынармышьҭыз лондонтәи ауснагӡатә аиԥш зеиԥшу жәларбжьаратәи аконференциа амҩаԥгара.
"Аԥшьгамҭа бзиоуп. Уи ҳалацәажәоит. Арыцхәқәеи аформати ҳрызхәыцуеит", - ҳәа Симониан РИА Новости иазеиҭалҳәеит.
Британиа аиҳабыра RT, Sputnik русзуҩцәа аккредитациа рырымҭеит АИХ рхақәиҭраз Аглобалтә конференциахь. Ари ҵаҵӷәыс иарҭеит "RT, Sputnik адезинформациа ахьаладырҵәо" ҳәа ргәаанагара.
Скотланд-Иард Скрипальраа рус иалахәу ахԥатәи изы: аусҭҵаара иацҵахоит>>
Лондон уаанӡагьы урыстәылатәи АИХ русура иаԥырхагахон. Убас, Сергеи Скрипали иԥҳаи рҭоурых ашьҭахь апарламентарицәа аиҳабыра рахь ааԥхьара ҟарҵеит RT алицензиа амхызарц.