Ҭхьына ақыҭаҟны ҭабжьаратә школ ҿыц аргыларазы аусурақәа ирылагеит 2017 шықәсазы.
"Ашкол аҟны аҵыхәтәантәи аусуарақәа цоит. Аҩбатәи аихагылаҟны адашьма ықәҵаны, ишәны актәи аихагылахь илбааит. Алашара, арԥхага, аӡымҩангага уҳәа зегьы рхиоуп, ҩнымаҭәалагьы еиқәыршәахоит ҳәа ҳарҳәеит, аҵара аминистрра аҟынтәи иаҳҭан, адашьма абара ҳазыԥшуп. Ашкол аҟны акласстә уадақәа 11 ыҟоуп, арҵаҩцәа, адиректор руадақәа, абиблиотека. Аҵарашықәс анхҳаркәшоз арзаҳалқәа шьҭарҵеит аа-ҩык рҟынӡа ашкол ҿыц ахь ацаразы. Уаанӡа иҭаз ракәымкәа даҽа ҩыџьа-хҩык егьырҭ ашколқәа рҟынтәи иааир рҭахуп ҳәа ҳаҳауеит, макьаназы урҭ арзаҳал аларымҵацт. Иахьазы 84 ҩык аҵаҩцәа ашкол ахь ицоит ҳәа ҳдыруеит. Актәи акласс ахь акәзар 9- ҩык цараны иҟоуп, ашкол арҵаҩцәа рыла еибыҭоуп", - лҳәеит Габуниаԥҳа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Какоба: "ари ашкол еиӷьуп!", "ари арҵаҩы лоуп исҭаху!" азҵаара аӡбара ҳаҿуп
Габуниаԥҳа: иааиуа аҵарашықәс азы Ҭхьынаа ашкол ҿыц ахь ицап ҳәа ҳгәыӷуеит