"Очамчыра аганахьала атуризм ҳалацәажәозар, идыруп Кындыӷ ақыҭаҟны асасааирҭақәа шыҟоу, ибзиан урҭ рыҩаӡара шьҭыхзар. Аҷкәынцәа урҭ аус рыдызуло рџьабаа рацәоуп, аха аҳәынҭқарра аганахьала иҵегьы ацхыраара рҭахуп. Аӡырԥхақәа ахьыҟоу зхатә сасааирҭа маҷқәа аԥызҵаз ыҟоуп, аԥхынра алагаанӡа Китаинтәи иаҳҭан аӡәык-ҩыџьак аԥсшьаҩцәа аазгар зҭахыз, урҭ аҭыԥқәа ҭырҵаауан. Усҟан уахь ҳнеит, аха амҩақәа шыҟаз, аҭыԥқәа рзы аинформациа атәы зҳәо, уи саргьы аус анызуаз (акурортқәеи атуризми рзы аминистр ихаҭыԥуаҩс-аред.), салацәажәахьан. Иҟоуп иҷыдоу атуристтә навигациа жәларбжьаратәи ашәага-загақәа ирықәшәо, уи ҳара ҳҟны иарбам. Узҭааша аҭыԥқәа, ауахәамақәа рацәоуп- Аԥсны мрагыларатәи ахәҭаҟны, урҭ ирҭаауа адинхаҵаҩцәагьы рхыԥхьаӡара иацлоит. Ҳара иахьа хәыҷык аимак-аиҿак иҳамоу аҩнуҵҟатәи ус ауп, аха алшара ыҟоуп атуризм аганахьала иаҳа ҳҽеиҿаҳкаартә", - иҳәеит Ахба.
Иаҳа инеиҵыху анҵамҭа шәаҳар шәылшоит адырраҭара "Коӷониаԥҳа лымҩаду" арадио Sputnik Аԥсны аефир аҟны асааҭ 18:00.
Иара убас шәаԥхьар ҟалоит:
- Ҷҟониаԥҳа Кындыӷтәи аӡырԥхақәа рзы: ахәышәтәра иазкым, ԥсшьарҭа ҭыԥуп
Гәынба Аԥсны атуризм аҿиаразы: асас иганахьала ахымҩаԥгашьа ҳаиҵазырхо акәны избоит