АҞӘА, цәыббра 16 – Sputnik. Амшынеиқәатә флот аӷбақәа америкатәи аекспедициатә ӷба USNS Yuma мҩаныргоит ҳәа аанацҳауеит РИА Новости. Уаанӡатәи адыррақәа рыла ЕАА арра-мшынтә мчрақәа рыӷба Амшынеиқәа акваториахь иҭалеит.
Аӡыбжьахала Босфор иҭало иҭыҵуа аӷбақәа ирхылаԥшуа аресурс Bosphorus Observer иазгәанаҭеит аӷба Амшынеиқәа акваториахь иҭалеит цәыббра 14 асааҭ 17:30 рзы ҳәа.
Америкатәи аӷба USNS Yuma ахырхарҭа рацәа змоу, акласс Spearhead иатәу ӷбоуп. Ар, аидара, арратә техника атанкқәа M1 Abrams налаҵаны иаалырҟьаны реиҭагара алнаршоит.