АҞӘА, цәыббра 25 - Sputnik. Дональд Трамп еиҿикааз аделегациақәа рзы шьыбжьхьафараан Урыстәыла Адәныҟатәи аусқәа рминистр Сергеи Лаврови Украина ахада Владимир Зеленскии еицәажәеит ҳәа аанацҳауеит РИА Новости.
Иазгәаҭоуп аицәажәара аусутә ҟазшьа аман ҳәа.
Лавров хадара азиуеит ЕАР Ассамблеиа Хада 74-тәи асессиа иалахәу урыстәылатәи аделегациа. Иара дықәгылараны дыҟоуп цәыббра 27 рзы. Абраҟа иара диԥылахьеит Саудтәи Аравиа Адәныҟатәи аусқәа рминистр Ибрагим Аль-Ассаф. Дара аҩтәылак реизыҟазаашьақәа ирылацәажәеит.
Уи адагьы, аминистр далахәын "астанатәи ахҩык" захьӡу, Урыстәыла, Ҭырқәтәыла, Иран злахәу аиԥылара.
Лавров иара убасгьы диԥыларан дыҟоуп Иапониа Адәныҟатәи аусқәа рминистр ҿыц Тосимицу Мотеги.
Иара убас шәаԥхьар ҟалоит:
Путини Трампи еиԥылеит асаммит G-20 аҟны
Путини Зеленскии ҭелла реицәажәара мҩаԥысит