АҞӘА, абҵара 18 – Sputnik. Великобританиа Апарламент ашәарҭадареи аԥшыхәреи реилак (ISC) аҟны агәаанагара рымоуп RT-и Sputnik-и асоциалтә ҳақәа рхархәаҩцәа анырра рырҭоит Британиа Евроеидгыла алҵраз ареферендум аламҭалаз ҳәа. Абри атәы аанацҳауеит РИА Новости агазеҭ The Times адыррақәа ҵаҵӷәыс иганы.
"260 рҟынӡа статиа RT-и Sputnik-и рҟны ареферендум аламҭалаз Twitter аҿы ианылеит. Дара рыԥхьартә алшара роуит 134 миллион-ҩык", - аҳәоит адырраҭараҿы.
Убри аан ISC иамаӡам адырра "Урыстәыла ахалагалара" абжьыҭира алҵшәақәа анырра рнаҭо ирнамҭо азы.
"Ҳмаҵзура ҷыдақәа Урыстәыла анырра ахьынӡаҟоу азы алкаақәа рзыҟамҵазар, аҭак хымԥада изҭахны иҟоу азҵаара цәырнагоит", - лҳәоит Алеиборист партиа алахәыла Емили Торнберри.
Жьҭаарамзазы ISC Британиа аԥыза-министр Борис Џьонсон 50-бӷьыц иҟоу адырранҵа изынанашьҭит 2016 шықәсазтәи Brexit 2017 шықәсазтәи алхрақәеи рҟны Урыстәыла "анырразы". Уаанӡатәи апрокурор хада Доминик Грив иажәақәа рыла Џьонсон адокумент акьыԥхьра аҿарԥақәа аҭаны иалимыршеит.