АҞӘА, ажьырныҳәа 31– Sputnik. Китаи акоронавирус ацәырҵреи алаҵәареи дунеитә рыцҳароуп иҳәеит Агәабзиарахьчаразы адунеизегьтәи аиҿкаара (ВОЗ) адиректор хада Тедрос Адханом Гебреиесус. Абри атәы аанацҳаит РИА Новости. Убри аан иара иазгәеиҭеит авирус аанкылара рылшап ҳәа агәаанагара шрымоу.
Ажьырныҳәа 31 рзы адунеи зегьы аҿы ичмазаҩхахьеит 7834-ҩык. Китаи ачымазара рымоуп – 7736-ҩык. 98-ҩык ачымазцәа аарԥшуп 18 тәыла рҟны. Ачымазара рыдаапкыланы иҟоуп 1370-ҩык, рыԥсҭазаара иалҵхьеит 213-ҩык. 12 167 – ҩык чмазцәазар ҟалоит ҳәа иԥхьаӡоуп.
Авирус цәырҵит апровинциа Хубеи ақалақь Ухань аҟны ԥхынҷкәын анҵәамҭазы. Иара зырҿио акоронавирус хкҿыц - 2019-nCoV ауп. Китаи анҭыҵ авирус азгәаҭоуп: Гонконг, Макао, Таивань, Таиланд, Иапониа, Аладатәи Кореиа, ЕАА, Канада, Вьетнам, Сингапур, Непал, Франциа, Австралиа, Малаизиа, Германиа, Финлиандиа.
Иара убас шәаԥхьар ҟалоит:
Акоронавирус иахырҟьаны Урыстәыла аҳәаақәа анаркит
Акоронавирус Китаи апровинциақәа зегьы рҿы ицәырҵит
Адәныҟатәи аусқәа рминистрра Аԥсны атәылауаа Китаиҟа имцарц рабжьыргоит