"Ҳазҭоу амза 20-25 рзы апты адкылара аус ҳалагароуп. Араионқәа зегьы ақыҭақәа рҿы ирыларҳәоит ауааԥсыра ахәаҷа аизгара иалагарцаз. Ҵыԥх ари аус шымҩаԥаҳгоз еиԥш сынтәагьы иҟаҳҵоит, иара ахәгьы шыҟаз еиԥш иаанхоит. Ҿыц иаԥҵахоит акомиссиа, урҭ араионқәа рҿы инеиуеит, еидкыланы иҟоу апты ауааԥсыра ирымхны ирблоит, ус планс иҳамоуп. Апты цәырҵны ауҭрақәа рахь имцарцаз, ишыцәоу еизганы наҟ инҳарҵәар ҳҭахуп. Егьыс, мшаԥымза инаркны апты анцәырҵлак, аҵиаахь ианцо, ахәшәтәра ҳалагоит, уи азы иаҭаху ахәшәгьы ҳамоуп, ишаны араионқәа зегьы ираҳҭоит. Урҭгьы рҭыԥ аҿы рҽырхианы иҟазарцаз. Амаругақәеи ақыҭанхамҩатә техникеи ыҟоуп, уи азы уадаҩрак ҟалом. Ахәшә ақәҭәара аус амҩаԥгаразы абригадақәа еиҿкаахоит, урҭ инеины абаҳчақәа хәшәтәны ицалоит. Ақыҭанхамҩатә еилакы аҟынтә ахәшәтәрақәа мҩаԥызго аԥара рызшәахоит, анхаҩцәа акгьы ршәартә иҟалом", - ҳәа еиҭеиҳәеит Барганџьиа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Барганџьиа еиҭеиҳәеит ашықәс иалагӡаны шаҟа тонна апты еизгаз