"Акоррупциа аҿагыларазы асистема иамоуп ирацәаны акәамаҵамарақәа, убри зегьы арбаны азакәан аҿы иаарԥштәуп, дара-дара аус еицыруроуп, азакәан аԥсахрақәа алагалара ашьҭахьгьы иаразнак зегьы аус ауӡом. Амаҵзуразы азакәан аҿы еилкааны иарбам дазусҭада ачынуаҩ, уи ҿыҵгас иҟаҵаны азакәан рыдыркылом. Арҵаҩы дазусҭо, ачынуаҩ дазысҭо рзымдыруазар анапхгараҭара изцои? Апрезидент иалхрақәа раан, ахаан исгәалашәом мчыла аӡәы "уца абааԥсы Аԥсны ныҟәга!" ҳәа иарҳәо. Ҩыџьа хҩык инареиҵамкәа рхы нықәдыргылоит. Амаҵзуразы азакәан ыҟам ҳәа аҳәара уи ҿыҵгоуп. Хәышықәса ҵуеит ари азакәан апроект ыҟоижьҭеи, аха аӡәгьы аус адиулаӡом. Схәыҷы аахыс телехәаԥшрала избо ахаҿсахьақәа, ачынуаа, иахьагьы избоит, аха убарҭ ықәҵыроуп. Иҟоуп аҿар, дара алшара роуроуп анапхгараҭаразы", - иҳәеит Аџьынџьал.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Жәлар реизара адепутатцәа акоррупциа иаҿагыло азакәан ариашарақәа аларгалеит
Логәуа: ачынуаа рхашәалақәеи рхарџьқәеи рзы адекларациа ҟарҵалароуп