АҞӘА, хәажәкыра 27 – Sputnik. Аушьҭырҭатә ҭыԥ "Адлер" аҟны имҩаԥысит Аиааира аестафета. Аԥсны иҟоу Урыстәыла Ашәарҭадаратә маҵзура Аҳәаахьчаратә усбарҭа аусзуҩцәа аестафета асимвол рымардеит Ҟарачы-Черқьесск иҟоу Аҳәаахьчаратә усбарҭа аусзуҩцәа. Абри атәы аанацҳауеит аусбарҭа апресс-маҵзура.
Аԥсны иахьаҵанакуа аестафета 200 километр инаӡоит. Иара алахәылацәа ашәҭшьыҵәрақәа шьҭарҵеит Гагра, Аҟәа, Гал, Очамчыра, Гәдоуҭа.
Урыстәыла ашәарҭадаратә маҵзура аҳәаахьчаҩцәа Аиааира аестафета иацырҵеит
© Foto / погрануправление ФСБ РФ
Аџьынџьтәылатә еибашьра ду иалахәын 55 нызқьҩык Аԥсны ауааԥсыра, рыԥсадгьыл рхы ақәырҵеит 17 нызқьҩык. 22-ҩык "Асовет еидгыла Афырхаҵа" ҳәа ахьӡ ҳарак ранашьахеит.