Рыԥсы ӡаны: Аԥсны аҭагылазаашьа ҷыдазы

Аԥсны ахада инапынҵақәа назыгӡо Валери Бганба инапы зҵаҩыз аусдҵаҿы иаҳәоит: 2020 шықәса хәажәкыра 28 асааҭ 00:00 инаркны 2020 шықәса мшаԥы 20 асааҭ 00:00 аҟынӡа Аԥсны Аҳәынҭқарра аҵакыра зегь аҿы аҭагылазаашьа ҷыда алагалазааит ҳәа.

Мшаԥымза 20-нӡа ауаа рацәа ахьеизо аизарақәеи, амитингқәеи, аныҟәарақәеи, еиуеиԥшым ақәгыларақәа рымҩаԥгара аанкылоуп, иара убас
акультуратә, аспорттә, алахҿыхратә уснагӡатәқәа, ацәыргақәҵақәа, ачарақәеи, егьыс баша агәырӷьаратә уснагӡатәқәа рымҩаԥгаразы аԥкрақәа алагалоуп. Русура аанкылоуп акрыфарҭақәеи, ақаҳуажәырҭақәеи. Ауаажәларратә транспорт ныҟәаӡом.

Хәажәкыра 29 инаркны мшаԥымза 20 рҟынӡа асасааирҭақәеи, аԥсшьаратәи ахатә ҩнқәеи рҟны аԥсшьаҩцәа рыдкылара аанкылазарц.

Мшаԥымза 10 рҟынӡа ашколқәранӡатәи ашколхәыҷқәеи рзы аԥсшьаратә аамҭа иацҵоуп. Иара убас, Аԥснытәи аҳәынҭқарратә университети, Аҟәатәи иаарту аинститути, абжьаратә ҵараиурҭақәеи рҟны аҵаратә процесс аанкылоуп.

Аԥсны акоронавирус аҿагылара шцо атәы шәаԥхьар шәылшоит абра>>

1 / 17

Атәыла аҩнуҵҟа аҭагылазаашьа ҷыда алагаларазы адҵа инапы аҵаиҩит хәажәкыра 28 инаркны мшаԥы 20 рҟынӡа, акоронавирустә ҿкы аламырҵәара хықәкыс иҟаҵаны.

2 / 17

Адәқьанқәа рҟны иаԥҵоуп аԥҟарақәа, агәаран иқәгыло рхыԥхьаӡара ҩыџьа-хҩык иреиҳамзар ауп. Аилагарақәа ҟамларцаз аусзуҩцәа агәцаракра аадырԥшуеит.

3 / 17

Аԥсны аиҳабыра русынҵа инақәыршәаны ауаа рацәа ахьеизо лассы-лассы азҩыдатәра мҩаԥгалатәуп.

4 / 17

Адәқьанқәа рҟны арзҩыдатәқәа рнапы иақәырҭәоит.

5 / 17

Афатә азымхара ҳәа акгьы ыҟам адәқьанқәа рҟны.

6 / 17

Аҳақьымцәа абжьгарақәа ҟарҵоит арезинатә напхазқәа рымхазарц, иара убас асабрадақәа рҿадыршәарц.

7 / 17

Ауаа арҭ амшқәа рзы еиҳа иаархәо - арзҩыдатә маҭәашьарқәеит, асабрадақәеи роуп.

8 / 17

Аҵәахырҭатә банкқәеи, адәқьанқәеи асабрадақәа рыда аҩналара ҟалом.

9 / 17

Амамзаара зыхьӡаз ацхыраара рырҭоит, адәқьанқәак рҟны афатә зҭаху рзы еиҿкаауп иҷыдоу акәакь.

10 / 17

Хәажәкыра 28 инаркны Аԥсны аџьармыкьақәа зегьы аркуп.

11 / 17

Гәдоуҭатәи аџьармыкьагьы аусура аанкылоуп.

12 / 17

Амҩадуқәа рҟны ауаа маҷхеит.

13 / 17

Аҟәатәи амшын аԥшаҳәа есымша иҭәын, ирацәаҩын аҿар, анацәа, абдуцәа ахәыҷқәа рыманы инаиааиуаз, иара ус башагьы аӡәгьы дыубом уажәы.

14 / 17

Иара убас аԥкрақәа алагалоуп аизарақәеи аныҟәарақәеи рымҩаԥгара аганахьалагьы.

15 / 17

Акаҳуажәырҭақәеи ақьафурҭақәеи аркуп, аӡәгьы дрыдыркылом, амала иҟоуп акрыфарҭақәа афатә аҩныҟа иназго.

16 / 17

Аԥсны атеатрқәа аонлаин-проектқәа ирылагеит, ус русура аанкылоуп азы.

17 / 17

Атәылаҟны аус ауам ауажәларратә транспорт, иахьыуҭаху узцоит атакси ала.

Рыԥсы ӡаны: Аԥсны атәылауаа аҭагылазаашьа ҷыдазы