АҞӘА, хәажәкыра 30 - Sputnik. Урыстәыла аиҳабыра ақәшаҳаҭуп административтә еилагарақәа рзы Азакәанеидкыла акарантин еилазго рзы аҭакԥхықәра арӷәӷәараз аԥсахрақәа ралагалара. Абри атәы аанацҳауеит РИА Новости аԥыза-министр Михаил Мишустин иажәақәа ҵаҵӷәыс иааганы.
"Уажәазы ихадароу авирус иаԥызго аԥыжәаратә усурақәа роуп. Урыстәыла аиҳабыра ақәшаҳаҭуп административтә еилагарақәа рзы Азакәанеидкыла акарантин еилазго рзы аҭакԥхықәра арӷәӷәараз аԥсахрақәа ралагалара", - иҳәеит Мишустин ихаҭыԥуааи иареи реилацәажәараан.
Аԥсахрақәа инарықәыршәаны акарантин иқәымныҟәаз, зымшала аҽаӡәы авирус шьҭкааны иԥсыз ахараԥса иқәырҵоит 150 - 300 нызқьмааҭ рҟынӡа, амаҵзурауаа рзы уи иартәоит— 300 - 500 нызқьмааҭ.
Иреиҳаӡоу ахараԥса иартәоит миллион мааҭ.
Аҵыхәтәантәи адыррақәа рыла Урыстәыла авирус рымоуп 1534-ҩык. 64-ҩык рыԥсҭазаара иалҵхьеит. Реиҳараҩык ачымазцәа Москва инхо роуп – 1014-ҩык.
Иара убас шәаԥхьар ҟалоит:
- Урыстәыла акарантин иқәымныҟәо ауаа ахараԥса ддыршәалоит