"Аԥсны ахада инапынҵақәа назыгӡо Валери Бганба иусԥҟала иахьа араион аҟны иахәҭоу ауснагӡатәқәа мҩаԥаагоит. Ауаа излауала аҩны рҽынкыланы иҟоуп, изыхәҭоу адәқьанқәа аус руеит, егьырҭ рышәқәа аркуп. Убасгьы араион ахадареи аҿари ҳаидгыланы аҩнеихагылақәа, амҩадуқәа рҟны ахәшә аҭаны аӡәӡәара, арыцқьаратә усқәа мҩаԥаагоит аҿкы ҟамларц азы. Ари амчыбжь азы ҳалгозар акәхап асиақәа рыҟаҵара, зҭагылазаашьа мариам излауала ацхыраара раҳҭар ҳҭахуп. Иааиуа амчыбжь азы ацхыраара ҳалагап ҳәа ауп.
Ишыжәдыруа еиԥш, Гәдоуҭатәи ахәышәтәырҭа агоспиталь алхуп, уи еснагь ҳадҵаалоит, фатәыла-жәтәыла аиқәыршәара азҵаара аӡбара ҳаҿуп, уи аганахьала ақалақь аҟны инхо аҷкәынцәа зхатә ԥарала иҳацхраауа маҷым. Ҳгәаанагарала, иахәҭоу ауснагӡатәқәа зегьы рымҩаԥгарала аҿкы ҳааигәа имааиртә иҟалап, ауаа иҵегьы хәыҷык аҽынкылара аадырԥшып. Ари азҵаараҟны ахдырра аадырԥшуеит, агәамҵра ыҟаӡам, аԥхьа иззеилымкаауазгьы шьҭа еилыркаауеит. Шаҟа ҳхы пату ақәаҳҵо, алеишәа ааҳарԥшуа аҟара, аҳақьымцәагьы рус ҳарманшәалоит", - ҳәа азгәеиҭеит Ладариа.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>