АҞӘА, мшаԥы 17 - Sputnik. Амшынеиқәа афлот арадиациатәи, ахимиатәи, абиологиатәи хьчара архәҭа аҟынтәи Аԥсны акоронавирус аламырҵәаразы амҩа иқәуп ҳәа аанацҳауеит РИА Новости Амшынеиқәа афлот аинформациатә еиқәыршәара аҟәша аиҳабы, 2-тәи аранг акаԥдан Алексеи Рулев иажәақәа ҵаҵӷәыс иганы.
Урыстәыла Амшынеиқәатә флот аҟазауааи 13 автомашьына ҷыдеи Ҟрымтәи адгьылбжьаха аҟынтәи Аԥсныҟа амҩа иқәуп. Автомашьынақәа ирылахәуп аеразольтә рзҩыдара амобилтә комплексқәа АРС-14М, ареактив рныҟәага зықәгылоу амашьынақәа ТМС-65У.
Иазыԥхьагәаҭоуп аамҭалатәи автопарк аиҿкаара. Урыстәылатәи аҟазацәеи Аԥсны амедицинатә усзуҩцәеи арзҩыдаратә уснагӡатәқәа еицымҩаԥыргараны иҟоуп.
Аԥсныҟа иаашьҭу аҟазауаа зегьы аԥхьанатә акоронавирус амазааразы агәаҭарақәа ирыхрыжьит.
Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>