АҞӘА, мшаԥы 21 - Sputnik. Акоронавирустә инфекциа аиуреи аҿиареи еиуеиԥшымхар алшоит иара зхылҿиааз аштамм ажәыларатә ҟазшьа зеиԥшроу еиԥш. Абри аҩыза алкаақәа ҟарҵеит Чжецзиантәи ауниверситет аҵарауаа. Аҭҵаарақәа кьыԥхьуп апортал MedRxiv аҿы.
Аҵарауаа рдыррала, еиҳа ажәылаҟазшьа змоу COVID-19 аштаммқәа рыдбалан Италиеи Испаниеи руааԥсыра, еиҳа иԥсыҽу – Америка ауааԥсыра.
Иара убри аан аҵарауаа ргәаанаграла, иԥсыҽу аштаммқәа змоугьы егьырҭ ачымазара хкқәа рымазар, рықәра акыр инеихьазар – аԥсыҭбарахь икылнагар алшоит.
Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>