АҞӘА, лаҵара 14 - Sputnik. Ииасыз уахыки-ҽнаки рыла Ҟәбина 97 акоронавирус хҭыс ҿыц аҭыԥ аман ҳәа аанацҳауеит Краснодартәи атәылаҿацә ахадара асаит.
Аҵыхәтәантәи уахыки-ҽнаки рыла ҩыџьа рыԥсҭазаара иалҵит, иааидкыланы апандемиа аамҭазы Ҟәбина рыԥсҭазаара иалҵит 24-ҩык COVID-19 змаз.
"97 хҭыс рҟынтәи 25 атәылаҿацәтә центр аҿы, жәба – Шәача, быжьҩык-быжьҩык – Ҟрымтәии Мостовтәии араионқәа рҿы, хәба-хәба – Армавир, Еиск, Лабинск, ԥшьба-ԥшьба – Славианск, Апшеронск, Тихорецк араионқәа рҿы, хԥа-хԥа – Дински Отрадненскии, ҩба-ҩба – Новороссииск, Усть-Лабинск, Кушьчевск, Крыловск, Белореченск рҟны, акака хҭыс – Шьербиновск, Приморско-Ахтарск, Каневск, Абинском, Гулькевичск, Туапсинск араионқәа рҿы", - аҳәоит адырраҭараҿы.
858 пациент ргәабзиара шьақәгылоуп.
Иҳаҩсыз уахыки-ҽнаки рыла Аԥсны акоронавирустә инфекциазы атестқәа ирхысит 58-ҩык. Ҩыџьа ирыдбалан авирус. Абасала иахьазы Аԥсны 12-ҩык акоронавирус рымоуп.
Мшаԥымзазы хҩык авирус рыман. Ҩыџьа Гәдоуҭатәи ахәышәтәырҭаҟынтә ргәы бзианы илырҩааит, 1925 шықәса рзы ииз аԥҳәыс лыԥсҭазаара далҵит.
Акоронавирус иадҳәалоу ажәабжьқәа зегьы шәырԥхьар ҟалоит абра>>