АҞӘА, рашәара 30 - Sputnik. Шәачатәи аҳазалхра аусзуҩцәа иаԥдырҟәҟәааит Аԥснынтәи Урыстәылаҟа уахынлабара аоптикатә хархәагақәа закәаншьаҭада риагара. Абри атәы аанацҳауеит аусбарҭа апресс-маҵзура.
Аушьҭырҭатә ҭыԥ "Адлер" иаанкылан автомашьына ZAZ CHANCE. Иара агәаҭараан иаарԥшын амҩатә шәыра уахынлабара аоптикатә хархәагақәа "ПНВ-10Т" хәба ҭаны.
Урыстәыла атәылауаҩ арратә техника аиуа аҳәаа иахигарц иҽазишәон
© Foto / пресс-служба Сочинской таможни
Иааныркылаз, Саратов инхо ауаҩԥсы иҳәеит арҭ ахархәагақәа иара ишитәым, аҽаӡәы ииҭараны дшыҟаз.
Атауар аҳазалхратә експертизахь инашьҭуп. Аусҭҵаара хацыркуп.
Иара убас шәаԥхьар ҟалоит: