АҞӘА, ԥхынгәы 2 - Sputnik. Краснодартәи атәылаҿацә аҿы ииасыз уахи-ҽни рыла авирус шрымоу шьақәыргылан 59-ҩык. Абри атәы аанацҳауеит атәылаҿацә ахадара апресс-маҵзура.
"Краснодар иазгәаҭан авирус змоу 17-ҩык, Шәача– 14, Отрадненск араион – 7, хҩык-хҩык – Апшеронски Выселковски араионқәа рҿы, ҩыџьа-ҩыџьа – Калининск, Тихорецк, Кавказск араионқәа рҿи Армавири, аӡәаӡәа рыцлеит Динск, Северск, Павловск, Белореченск, Крымск, Новокубанск араионқәеи Геленџьики рҿы" ҳәаа ҳәоит адырраҭара.
Арегион аҿы зынӡа коронавирус рымоуп 6102-ҩык. Убри аан 4829 пациентов ахәышәтәырҭақәа ирылырҩаахьеит, 79 рыԥсҭазаара иалҵит.
"Ааҩык апациентцәа ИВЛ иаҵариоуп Шәача, Краснодар, Горячи Ключ ахәышәтәырҭақәа рҿы" ҳәа рҳәеит атәылаҿацә агәабзиарахьчара аминистрраҿы.
Амедеиҿкаарақәа рахь иахьазы ирыдҵаалахьеит 15321-ҩык, урҭ рҟынтәи 1393 хәыҷқәоуп. Астационартә хәышәтәра рымоуп 1971 пациент, 203-ҩык хәыҷқәоуп.
Аԥсны иахьатәи аамҭазы авирус рыдырбалахьеит 38-ҩык. Урҭ рҟынтәи хҩык Гәдоуҭатәи ахәышәтәырҭа иҭоуп. 34-ҩык ргәабзиара шьақәгылахьеит, аӡәы лыԥсҭазаара далҵит.
Акоронавирус иазку ажәабжьқәа шәрыԥхьар ҟалоит абра>>