"Ҳнапхгара рҟынтә аҵарашықәс шынаскьагахо ҳәа алаҳәара ҳамаӡам зынӡагьы. Аҭаацәа ҳадҵаалоит, арҵаҩцәагьы ус, иахьазы ҳара цәыббрамза аказы аусура ҳҭыҵуеит ҳәа ҳгәы иҭоуп, ус ҳҽырхианы ҳаҟоуп. Ашкол ҿыц апроект ала еизырҳаны ишьақәыргылоуп, 650-ҩык рҟынӡа ахәыҷқәа аднакылартә иҟоуп. Иахьа аҵара зҵо рхыԥхьаӡара наӡоит 450-ҩык рҟынӡа. Гагра араион аҵара аҟәша аиҳабы иҳалҭаз аҳасабырбала ҳазҭоу амза 20 инаркны ауп актәи акласс ахь ицо рҟынтә арзаҳалқәа рыдкылара ҳшалаго, аха аҭаацәа уажәгьы иҳадҵаалоит. Ҳашкол аҿы иҟоуп азыҟаҵаратә гәыԥқәа ҩба, уа 15-15-ҩык ахәыҷқәа ыҟоуп, урҭ актәи акласс ахь ииасыз роуп, убри аҟнытә ҩ-класск рхыԥхьаӡара еиқәыршәаны иҟоуп, урҭ инарыцлоит амза 20 инаркны арзаҳал ҳзалазҵогьы", - еиҭалҳәеит Гәынԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Гәынԥҳа Гагратәи актәи аԥсуа школ азы: агәыӷра ҳамоуп цәыббрамзазы иаартхап ҳәа
Гагратәи актәи аԥсуа школ ахархәарахь анашьҭразы иагу рҳәеит