АҞӘА, цәыббра 6 - Sputnik. Ҭырқәтәыла Бырзентәылеи иареи рҳәаа иаԥну аҩада-мраҭашәаратәи апровинциа Едирне ахь алада-мрагыларатәи апровинциа Хатаи аҟынтәи атанкқәа нанашьҭуеит Мрагыларатәи Абжьарамшынраҿы иҟоу акризис инамаданы, абри атәы аанацҳауеит РИА Новости аҭырқәа агентра IHA адырраҭара ҵаҵгәыс иганы.
Агентра арратә хыҵхырҭақәа ринформациала, 40 танк мҩанызгоз ҩ-конвоик атехника аманы Шьамтәыла аҳәаа иаԥну апровинциа Хатаи Реиханлы араион ааннажьит. Урҭ Едирнеҟа инаргоит аихамҩала.
Аҵыхәтәантәи амчыбжьқәа рзы Афинқәеи Анкареи реизыҟазаашьақәа иаалырҟьаны иуадаҩхеит. Уи зыхҟьаз аҭырқәа ӷба Oruç Reis Мрагыларатәи Абжьарамшынраҿы Бырзентәыла иара иахатәуп ҳәа иаԥхьаӡо араион аҿы асеисмологиатә ҭҵаарақәа иахьрылагаз ауп.
Бырзентәвыла Арбџьармчқәа рымчқәа азыҟаҵан итәоуп. Ҭырқәтәыла иара убас аҭҵаарақәа мҩаԥнагоит Кипр иахатәуп ҳәа иаԥхьаӡо араион аҿы.
Иара убас шәаԥхьар ҟалоит:
Бырзентәыла Атәылахьчара аминистрра Ҭырқәтәылеи иареи реибашьра ишазыхиоу аҳәеит
Ердоган: Ҭырқәтәыла Амшын еиқәаҟны иԥсабаратәу агаз аԥшааит