АҞӘА, абҵара 6 - Sputnik. Урыстәыла жәлар рартист, ашәҟәыҩҩы-сатирик Михаил Жванецки 87 шықәса дшырҭагылаз иԥсҭазаара далҵит ҳәа аанацҳауеит РИА Новости.
Ашәҟәыҩҩы иԥсҭазаара далҵит ҳәа Instagram аҟны илыҩит Алла Пугачиова.
"Сҩыза гәакьа, наунагӡа уаҳԥырҵит. Сгәы уҭазаауеит", - лыҩит лара.
Асовет, урыстәылатә шәҟәыҩҩы-сатирик, Урыстәыла жәлар рартист, Урыстәыла ахада иаԥхьахә занашьаз Михаил Жванецки 86 шықәса ихыҵра азгәеиҭеит сынтәа, хәажәкыра 6 рзы.