АҞӘА, абҵара 9 - Sputnik. Урыстәыла ахада Владимир Путин аусԥҟа инапы аҵеиҩит аԥыза-министр ихаҭыԥуаа жәаҩык рҟынӡа рхыԥхьаӡара иацҵазарц ҳәа аанацҳауеит РИА Новости.
Адокумент Кремль асаит аҿы икьыԥхьуп.
Ажьырныҳәа 22, 2020 шықәсазтәи аусԥҟа инақәыршәаны Урыстәыла аԥыза-министр жәҩык ахаҭыԥуаа имоуп.
"Ишьақәырӷәӷәазааит: Урыстәылатәи Афедерациа аԥыза-министр Урыстәылатәи Афедерациа аԥыза-министр актәи ихаҭыԥуаҩ; Урыстәылатәи Афедерациа аԥыза-министр ихаҭыԥуаҩ, Мрагылара аҟны Урыстәылатәи Афедерациа ахада азинмчы змоу ихаҭарнак; Урыстәылтәи Афедерациа аԥыза-министр ихаҭыԥуаҩ, Урыстәылатәи Афедерациа аиҳабыра раппарат анапхгаҩы налаҵаны жәаҩык ахаҭыԥуаа имазааит", - аҳәоит адокумент аҿы.
Аусԥҟа амчра аиуеит анапы анаҵаҩха инаркны.