АҞӘА, жәабран 2 - Sputnik. Урыстәыла атерапевт хада Оксана Драпкина акоронавирустә лаҵа ахҟьаԥҟьақәас иҟалар зылшо ртәы далацәажәеит ҳәа аанацҳауеит РИА Новости.
Алаҵаҟаҵара ашьҭахь аԥхьатәи амшқәа рзы аимҳәатә ҟазшьақәа ухы иадубалар ауеит ҳәа лҳәеит аҳақьым "Первый канал" аефир аҿы. Лара лажәақәа рыла ари алаҵа аныҟауҵа ашьҭахьтәи уахи-ҽни рзоуп усеиԥш ианыҟало, шәарҭара алам.
"Уи узыцәшәаша акәым. Иҟалоит аимҳәатә ҟазшьа змоу аҭагылазаашьа. Убаҩқәа еилаԥыҵәҵәо уҟалоит, аамҭакьаҿла ашоура халар ауеит, ацәа уқәҳауеит", - лҳәоит Драпкина.
Атерапевт хада иазгәалҭеит алаҵа ашьҭахь ашоура 39 иацны ианхало шыҟоу, аха ус аныҟало зынӡа имаҷӡоуп. Ашоура ахыгара аныуадаҩу парацетамол ажәра рабжьылгоит аҳақьым.
Драпкина илҳәеит иарбо аҭагылазаашьақәа раан аҳақьымцәа рахь анеира шаҭахым.
Иара убас шәаԥхьар ҟалоит:
- Алаҵа "Спутник V" акьыбачымазара змоу ишырныруа атәы ҭырҵаауеит
Алаҵа "Cпутник V" ҟазҵаз урыстәылаа рхыԥхьаӡара аӡбахә ҳәоуп