АҞӘА, жәабран 8 – Sputnik. Урыстәыла Аҭагылазаашьа ҷыдақәа рминистрра асоциалтә ҳақәа ҩба - TikTok, Likee рҿы аккаунтқәа аанартит ҳәа аанацҳауеит РИА Новости аусбарҭа адыррақәа шьаҭас иҟаҵаны.
"Ауааԥсыра рыбжьара ашәарҭадара акультура аларҵәара ус хаданы иазыҟоуп Урыстәыла Аҭагылазаашьа ҷыдақәа рминистрра. Уи анагӡаразы аусбарҭа активла ахы ианархәоит асоциалтә ҳақәеи амессенџьерқәеи. Ауааԥсыра рнырразы даҽа ҩ-ҭыԥк: TikTok, Likee алагалахеит", - рҳәоит аминистрраҿы.
Аккаунт аҿы иубар улшоит авидеогәаларшәагақәа, алаифхакқәа, ажәеинраалақәа, асахьақәа, аграффити, ашәақәа уҳәа ирацәаны.
Ахатәы аккаунт TikTok аҿы иаанартит Адәныҟатәи аусқәа рминистррагьы. Адәныҟаполитикатә усбарҭа аофициалтә хаҭарнак Мариа Захарова лажәақәа рыла, ари модоуп ҳәа акәым изаарту, информациатә усноуп ишыҟоу.