АҞӘА, мшаԥы 29 - Sputnik. Урыстәыла аԥыза-министр Михаил Мишустин Аҳәынҭдума афракциақәа рхаҭарнакцәа данырԥылоз иҳәеит Урыстәыла апандемиа иреиҳаз афаза иахысит ҳәа. Абри атәы аанацҳауеит РИА Новости.
Иара акоронавирус аҿагылара иалахәыз адепутатцәа иҭабуп ҳәа реиҳәеит.
"Акоронавирустә инфекциа еиҳа иҵарыз афазаан шәара шәхахьы ижәгеит аӡбарақәа аус рыдулараз аҭакԥхықәра", - ҳәа иҳәеит иара.
Аҵыхәтәантәи уахыки-ҽнаки рыла Урыстәыла 7848-ҩык COVID-19 рыдбалан. Апандемиа иаалагазар 4,7 миллионҩык ачымазара рыхьхьеит, 4,4 миллионҩык ргәы бзиахеит, 109 нызқьҩык рыԥсҭазаара иалҵит.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14408-ҩык ыҟоуп, ргәы бзиахеит 13479-ҩык, рыԥсҭазаара иалҵит 222-ҩык.