АҞӘА, лаҵара 18 - Sputnik. Авокалтә конкурс "Ты супер!" ахәбатәи асезон ахацыркразы иреиӷьқәоу ралԥшаара иалагоит ҳәа алаҳәара ҟарҵоит ателеканал НТВи Жәларбжьаратәи аинформациатә маҵзуреи арадиои Sputnik.
Аицлабра иалахәхар рылшоит зани-заби ыҟам, аҭаацәаратә ҭагылазаашьа уадаҩ иахҟьаны ашкол-интернатқәа рҟны ирааӡо мамзаргьы атәым ҭаацәарақәа рҟны ирааӡо авокалтә ҟыбаҩ змоу ахәыҷқәа.
Алкаара апринцип шыҟац иҟоуп: аицлабра иалахәхоит 7-18 шықәса зхыҵуа, зани-заби ыҟам ахәыҷқәа, ашкол-интернатқәа рҟны ирааӡо мамзаргьы атәым ҭаацәарақәа рҟны ирааӡо Урыстәылеи ИАР атәылақәеи рҟынтәи.
Акастинг уалахәхарц азы Sputnik Аԥсны аредакциа аелектронтә ԥошьҭа info.abk@sputniknews.com ахь ашәҟәы нашьҭтәуп анаҩстәи аинформациа алаҵаны:
- Акастинг алахәыла ихы дахьахцәажәо авидео (ихьӡ, ижәла, ишықәс, дахьатәиу аҭыԥ, истатус: ахәыҷқәа рыҩнаҿы дынхо/аҭаацәараҿ дыҟоу), иара убасгьы ахәыҷы иқәгыларақәа.
- Арзаҳал.
Апроект "Ты супер!" аӡыргара мҩаԥысит жәабран 11, 2017 шықәса рзы. Аԥхьатәи аефирқәа инадыркны иналукааша шоуны иҟалеит.
Арҭ ашықәсқәа рыҩнуҵҟа апроект иалнаршеит 174-ҩык аҿар рмузыкатә мҩа аартра.
"Ты супер!" алахәылацәа иахьа еиуеиԥшым аиндаҭаларақәа ирылахәуп, еицырдыруеит. Иҟоуп аҭаацәара ҿыцқәа зыԥшааз.
Аҩбатәи асезон аҿы аиааира згаз Диана Анкудинова YouTube аҿы 2018 шықәсазы реиҳа ахәаԥшыҩцәа зауз ҳәа далкаауп.
Жәларбжьаратәи ахәыҷтәы ашәаҳәаратә проект "Ты супер!" ателеканал НТВ-и аинформациатә маҵзуреи арадиои Sputnik-и еицымҩаԥырго проектуп. Аицлабра алахәылацәа ироуеит алшара Урыстәыла иреиӷьу арҵаҩцәа, азыҟаҵаҩцәа аус рыцура, рхы аарԥшра, аҩызцәа ҿыцқәа рыԥшаара.