АҞӘА, рашәара 1 – Sputnik. Аurus асериатә ҭыжьра адунеитә џьармыкьахь Урыстәыла анеира амҩа арҭбаауеит, иалнаршоит технологиа ҳаракылатәи аекспорт ҳәа иҳәеит Урыстәыла ахада Владимир Путин. Абри атәы аанацҳауеит РИА Новости.
"Ҳақәгәыӷуеит автомашьынақәа Aurus сериала рҭыжьра жәларбжьаратәи аџьармыкьаҿ урыстәылатәи автомашьынақәа рыҟазаара арҭбаап, технологиаҳаракылатәи аекспорт иазнарҳап ҳәа" - иҳәеит Путин, автомашьына сериала аҭыжьра ацеремониаҿ.
Aurus Senat асериатә ааглыхра иалагеит Елабуга.
"Ибзианы ижәдыруеит заҟа ус ду аԥхьанеиуаз иахьатәи амш. Зықьҩыла аҟазауаа – анџьнырцәа, аконструкторцәа, апроектҟаҵаҩцәа алахәын. Рҿаԥхьа иқәгылаз адҵа ҩаӡара ҳаракыла инарыгӡеит. Иуҳәар алшоит Урыстәыла аҭоурых аҿы раԥхьаӡа акәны иаԥҵан ахатәратә класс иатәу автомабилтә цәаҳәа", - азгәеиҭеит иара.
Путин иазгәеиҭеит Ҭаҭарсҭан ааглыхратә ҭыԥ аартра арегион аҿиара иацхраауа иҟалоит ҳәа.