АҞӘА, рашәара 9 - Sputnik. SWIFT – жәларбжьаратәи абанкбжьаратә система Урыстәыла аҿыргом ҳәа аҳәамҭа ҟаиҵеит SWIFT Урыстәылатәи амилаҭтә ассоциациа (Россвифт) анагӡаратә директор Роман Чернов, аҩуеит РИА Новости.
"SWIFT аӡәгьы ҳаҿихуам. Уи аӡәгьы изы ифеидаӡам", - иҳәеит иара Аҳәынҭдумаҿ дықәгылан.
АИХқәа рҿы лассы-лассы ицәырҵлоит аҳәамҭақәа Мраҭашәара асанкциак аҳасаб ала SWIFT Урыстәыла мап ацәнакыр ҟалоит ҳәа.
Уи усеиԥш имарианы иҟам.
Адәныҟатә политикеи ашәарҭадареи рзы Евроеидгыла ахаҭарнак Жозеп Боррель иажәақәа рыла SWIFT – ари жәларбжьаратә хатәы еиҿкаароуп, Евроеидгыла акомпетенциа иаҵанакӡом.