Аҩӡба Аԥснынтә абырзенцәа рыхцаразы: 1930 ашықәсқәа рзы иҟаз арепрессиақәа ирыцыз акоуп

18:30, 14 Рашәара 2021

Рашәара 12 инаркны 14 -нӡа, 1949 шықәсазы Сталин идҵала Аԥсны инхоз 30 000-ҩык абырзенцәа Ҟазахсҭанҟа иахыргеит. Рмазара акәзар, арахь иааргоз ақырҭқәа ирырҭон. Аҭоурыхтә ҭҵаарадыррақәа рдоктор Аслан Аҩӡба арадиоефир аҿы арҭ ахҭысқәа ахҳәаа рыиҭеит.

Sputnik

"Ари ҳәынҭқарратә политика акәын. Арҭ ахҭысқәа 1930 ашықәсқәа рзы иҟаз арепрессиақәа ирыцыз акоуп. Аҳәынҭқарра амаҵ зуаз ауаа иргәамԥхоз, дара р-идеологиа ахырхарҭа иақәымшәоз, ианымаалоз ауаҩы ддырӡуан. Арҭ ахҭысқәагьы- политикан. Уи Аԥсны мацара акәӡам иахьымҩаԥысуаз, усҟан Краснодартәи атәылаҿацә, Ҟрым инхоз абырзенқәа еицықәырцон. Усҟан аберзенқәа рымацара ракәым, Ҟрым аерманцәагьы ықәыргеит. Дара еидыргаланы изахәаԥшуаз, рыззегьы Аԥсны излақәнагала Ҭырқәтәылантә ауп, ма Азиа маҷ ҳәа иахьашьҭоу аҟынтә. Асоветтә ҳәынҭқарра урҭ рыгәра агаӡомызт", - еиҭеиҳәеит Аҩӡба.

Инеиҵыху аиҿцәажәара шәазыӡырҩыр шәылшоит аудиофаил аҿы.