АҞӘА, нанҳәа 20 - Sputnik. Аԥсны аҳәааҿы Ҭырқәтәыла атәылауаҩ дааныркылеит аҳәынҭқарратә ҳәаа арежим ахьеилеигаз азы. Абри атәы аанацҳауеит Урыстәыла АШәМ Краснодартәи атәылаҿацә Аҳәаахьчаратә усбарҭа апресс-маҵзура.
Ахаҵа атуристтә гәыԥ далан, аха иара аҳәаахьчаратә зонаҿ аҟазааразы адокументқәа ицмызт.
Ахаҵа административтә ҭакԥхықәра даҵаркны ахараԥса иқәнаҵеит Адлертәи араионтә ӡбарҭа УА КоАП ахәҭаҷ 18.2, ахәҭа 1.1. инақәыршәаны.
Аҳәаахьчаратә усбарҭа иазгәанаҭоит аҳәаахьчаратә зонаҿы ԥкрада аҟазааразы аҳәаанырцәуаа рхаҭара шьақәзыргыло адокументқәа рыдагьы ирымазароуп уа рыҟазаара азин ҟазҵо аршаҳаҭга ҳәа.