Аԥсуаа ажәытә реибашьыга шхәа еиҭашьақәыргылан, асахьаҭыхыҩ Баҭал Џьапуа архивтә сахьақәа ихы иархәаны иҭихыз аҵәаӷәанҵақәа рыла Петрозаводск, аетнопарк "Аԥсны" аҿаҵарала. Ашхәа Аԥсныҟа иааганы аӡиа Риҵа ихҵан нанҳәа 5 азы. Убри аахыижьҭеи аҭыԥантәи Аԥсны ауааԥсыра реиԥш атуристцәагьы алшара рымоуп ашхәа инҭатәаны аӡиа ихыларц.
"Ашьыжь асааҭ фба рзы ҳгыланы ашхәа ҳрыцқьоит, аҭыԥ иқәаҳҵоит асасцәа ҳадаҳкыларазы, асааҭ 8 рзы аусура ҳҭыҵуеит. Ашхәа аҭоурых, аҵакы атәы рзеиҭаҳҳәоит. Даара ргәы иаахәоит ауаа", - иҳәеит Гәымба.
Аицәажәара иаҳа инарҭбааны аудиофаил аҟны.