АҞӘА, цәыббра 20 - Sputnik. Ишьақәырӷәӷәоу адыррақәа рыла фҩык ҭахеит, 24-ҩык ахәрақәа роуит ҳәа аанацҳауеит РИА Новости Урыстәыла Агәабзиарахьчара аминистрра адыррақәа рыла.
"Амедицинатә рыцҳарақәа рфедералтә центр ишьақәырӷәӷәоу адыррақәа рыла Пермтәи амилаҭтә ҭҵаарадырратә университет аҿы иҟалаз ахысра иахҟьаны фҩык ҭахеит, 24-ҩык ахәрақәа роуит ", - аҳәоит адырраҭара.
Заанаҵтәи иҟаз адыррақәа рыла ааҩык ҭахеит, ҩеижәаҩык ахәрақәа роуит.
Москвантәи Пермҟа инашьҭуп ҷыдала еибыҭоу аҳаирплан: анестезиолог-реаниматологцәа, ахирургцәа, атравматологцәа ацны.
Ахысра ҟазҵаз даанкылоуп. Иара ихаҭагьы дхәуп. Аусҭҵаара аматериалқәа реизгара иаҿуп. Уажәазы идыруп абџьар закәаншьаҭала ишимаз. Ашьаус хацыркуп.
Ауниверситет аҿы иҟалаз ахҭыс ашьҭахь ааигәа-сигәа иҟоу ашколқәа, атехникумқәа, аколлеџьқәа рҿы аҵаратә процесс аанкылоуп, ашәарҭадаратә уснагӡатәқәа рыдкылоуп.
Ааха зауыз ацхыраара рыҭахоит. Урыстәыла ахада Владимир Путин иҭахаз рҭаацәа дрыдашшылоит.