АҞӘА, цәыббра 21 - Sputnik. Заанаҵтәи адыррақәа рыла, Афедералтә алхырҭатә округқәа рҟны "Иаку Урыстәыла" аиааира агеит ҳәа аанацҳауеит Аԥсны иҟоу Ацҳаражәҳәарҭа.
Аԥсны иаартыз алхырҭатә ҭыԥқәа жәба рҿы иааизакны рыбжьы арҭеит 14549-ҩык.
Мандатктәи алхырҭатә округқәа рҿы аиааира ргеит акандидатцәа: Иу.И. Григорьев, А.В. Гордеев, А.Е. Хинштеин, С.С.Журова.
Урыстәылатәи Афедерациа Ацҳаражәҳәарҭа Аԥсны амчрақәа, амилициа аусзуҩцәа, ашколқәеи акультура аханқәеи русзуҩцәа ҭабуп ҳәа рарҳәоит алхрақәа реиҿкаашьазы.
Урыстәыла Аҳәынҭқарратә Думахь алхрақәа раԥхьаӡа акәны хымш имҩаԥысуан - цәыббра 17-19 рзы. Атәылаҿы абжьыҭара анеира 51 процент инаӡеит.
Иара убас шәаԥхьар ҟалоит:
Аԥсны Урыстәыла Аҳәынҭқарратә Думахь алхрақәа рыҽрыладырхәит жәаха нызқьҩык ауааԥсыра
Аҳәынҭқарратә Думахь алхрақәа рылҵшәақәа еихыршьалеит