АҞӘА, цәыббра 24 - Sputnik. Испаниа арратә мчрақәа анаԥшратә ӷба "Райои" Италиатәи амина зыԥшаауа аӷба "Виареджиои" Амшын еиқәа аӡымҽхакырахь иҭалеит цәыббра 23 рзы, ҳәа аанацҳауеит РИА Новости Атәылахьчара аминистрра аинформациеи амассатә коммуникациақәеи Рдепартамент адыррақәа шьаҭас иҟаҵаны.
Амшын еиқәа афлот амчрақәа НАТО аӷбақәа рхымҩаԥгашьа ахылаԥшра арҭоит.
Ԥхынгәымза анҵәамҭазы Урыстәыла адәныҟаполитикатә усбарҭа аҳәамҭа ҟанаҵеит Амшын еиқәаҿы аҭагылазаашьа еибадыррххоит ҳәа, убри аан иазгәанаҭеит Ҭырқәтәыла аӷбақәа арахь рҭалара ахылаԥшра аҭара шалшо.
Босфори Дарданеллы рҿы аӷбаныҟәара ҳәаақәнаҵоит 1936 шықәсазтәи Монтре аконвенциа. Адокумент атәылақәа зегьы рыхәаахәҭратә ӷбақәа аӡыбжьахалақәа рыбжьысра азин ҟанаҵоит, аха арратә ӷбақәа рзы аԥкрақәа ыҟоуп.