"Сынтәа аиашазы Кәыдры аҭра иҭыҵны анхацәа ирԥырхагахоит ҳәа ҳазыԥшын, аха имҩаԥгаз аусурақәа ҳахәеит. Аӡиас Кәыдры аду ԥырхага ҟанамҵеит, аха иара иаҿыҵны иаауа Кәыдры хәыҷы ҳәа изышьҭоу 25 ҭаацәа рҟынӡа ирԥырхагахеит. Макьана ацхыраара ҳазыԥшуп. Иаԥҵан акомиссиа, ирбеит аԥхасҭа иҟаз, ҳазыԥшуп аҳәынҭқарра аҟынтәи ацхыраара ҟалоит ҳәа. Бабышьра ақыҭа агәҭа иалсны ицоит Кәыдры хәыҷы. Уи иазааигәаны инхо аӡы рыҩнқәа ирыҩналеит, ауҭраҭых, ашәыр аԥхасҭа рнаҭеит", - иҳәеит Џьапуа.
Аицәажәара иаҳа инарҭбааны аудиофаил аҟны.