АҞӘА, цәыббра 29 – Sputnik. Урыстәылатәи Су-27 ЕАА аҳаирплан-ԥшыхәыҩ RC-135 мҩаԥнагеит Амшын еиқәа ианахыԥраауаз, аҳәынҭқарратә ҳәаа еилагамызт ҳәа аанацҳауеит РИА Новости Атәылахьчара анапхгараҭара Амилаҭтә центр адыррақәа шьаҭас иҟаҵаны.
Ацентр адыррақәа рыла аҩаша, урыстәылатәи РЛС Амшын еиқәа анеитралтә ӡқәа иахьрыҵаркуаз игәарҭеит Урыстәыла аҳәаа иазааигәахоз аҳаирплан-ԥшыхәыҩ.
"Аҳауатә хықәкы аилкаареи аҳәынҭқарратә ҳәаа аилагара алмыршареи рзы аҳауахь ишьҭыхын аҳаирплан Су-27. Аҳаирплан аекипаж иааигәахоз аҳауатә хықәкы аҳаирплан-ԥшыхәыҩ RC-135 шакәыз шьақәыргыланы амҩаԥгара иалагеит", - ҳәа рҳәеит Ацентр аҿы.
Аҳәаанырцә арратә ҳаирплан аҳәаа аҽацәыхаранатәуа ианалага урыстәылатәи аҳаирплан ашьҭахьҟа ихынҳәит, аҳәаа еилагамызт аҳәоит адырраҭараҿы.