АҞӘА, цәыббра 4 - Sputnik. Шәача ашықәс нҵәаанӡа 6,8 миллионҩык атуристцәа рыдкылара иазыԥшуп, ари 300 000-ҩык рыла иазыԥхьагәаҭаз раасҭа еиҳауп ҳәа Telegram-канал аҿы иҩуеит ақалақь ахада Алексеи Копайгородский.
Иара иҳәеит 2021 шықәса аԥхьатәи ажәымз рыла асанатор-курорттә усхк аҟынтәи абиуџьет ахь алагала миллиардк ишеиҳау.
"Ҳақәгәыӷуеит макьанагьы атурпоток ыҟазаауеит, ашықәс анҵәамҭазы 6,8 миллионҩык рҟынӡа инаӡап ҳәа", — иҳәеит акурорт ахада.
Иара убасгьы иазгәеиҭеит иааиуа амчыбжь азы Шәача аӡынтә плиажқәа шаадыртуа.
"Цәыббрамзазы 700 000-ҩык атуристцәа ҳҭааит. Иазыԥхьагәаҭаз аасҭа еиҳаны иааит. Асанаториақәа 84% иҭәуп. Ԥхьаҟатәи ахымз рызгьы аҿаҵарақәа ҟаҵоуп", — иҳәеит Копаигородски.
"Цәыббрамзазы 700 000-ҩык атуристцәа ҳҭааит. Иазыԥхьагәаҭаз аасҭа еиҳаны иааит. Асанаториақәа 84% иҭәуп. Ԥхьаҟатәи ахымз рызгьы аҿаҵарақәа ҟаҵоуп", — иҳәеит Копаигородски.
Уаанӡа аекспертцәа иазгәарҭахьан сынтәа атурпоток 6,5 миллионҩык ҟалоит ҳәа, аха ара аԥсшьара зҭаху рхыԥхьаӡара иацлеит.