Аԥсны Аџьынџьтәылатә еибашьра иалахәыз ҳџьынџьуаа 30-ҩык ахатә мазарахь ирыҭоуп рынхарҭақәа. Ас еиԥш ақәҵара рыдыркылеит Аминистрцәа реилазаараҟны Аиааиреи Ахьыԥшымреи рымшныҳәа аламҭалазы.
"Еиуеиԥшым аамҭақәа рзы, иҟоуп 10-15-20 шықәса раԥхьа ироухьаз ауадақәа, урҭ аҳәынҭқарра иатәын, уажәы дара хәыда-ԥсада рхатә мазарахь аигара ауп иқәгылоу азҵаара… Арҭ 30-ҩык Ҭырқәтәылантәи, Шьамтәылантәи, Нхыҵ-Кавказынтәи иааны арепатриант истатус иақәшәо, ара инхо роуп. Егьырҭ ԥшьҩык (зызҵаара макьана иӡбам - азгә.) рҟынтә ҩыџьа ҟабарда ҷкәынцәоуп, иранашьоуп Леон иорден, аха аҳәынҭқарра уаҳа даҽа мчык амамызт аҟынтә, арепатриациа апрограммала ауадақәа зауз роуп. Егьырҭ даҽа ҩыџьа - хатәгәаԥхарала еибашьуаз иҭахаз иҭаацәа дреиуоуп аӡәы, аҩбатәи - аҭыԥантәи аҷкәын Аԥсны Афырхаҵа иҭаацәа рҟынтә. Урҭ рызҵааразгьы ирласны аӡбамҭа ҟалап ҳәа агәыӷра ҳамоуп", - иҳәеит Ҵәыџьба.
Шәазыӡырҩы аудио.
Иара убас шәаԥхьар ҟалоит:
Ҳазлацәажәаша ҳамоуп: аветеран-арепатриант Бганба Аԥсны анхарҭа шиоуз