АҞӘА, жьҭаара 12 - Sputnik. Здаҟам ахәмарратәи ажурналисттәи апроект аусура иаланаргеит РИА Новости.
Апроект "VR-ҭҵаарақәа: Ареих ацәгьоуцәа хадақәа ауаажәларра рҿаԥхьа рыцәгьоура" Ниурнбергтәи атрибунал ахыркәшара 75-шықәса ахыҵра иазкуп.
Авиртуалтә ҭҵаара аԥҵара аус аднауылон амаҵзура "РИА Новости", М. Горки ихьӡ зху МХАТ актиорцәа, аҵарауаа-аҭоурыхдырыҩцәа, Урыстәылатәи арра-ҭоурыхтә еилазаара.
VR-ҭоурых шьақәыргылоуп адокументалтә детектив ажанр ала. Иара аҩнуҵҟа ахархәаҩ анацист цәгьоуцәа рхара шьақәырӷәӷәаны аҵаҵӷәы аиҭароуп.
Аҭҵаарадырратә фонд "Цифровая история" адиректор Егор Иаковлев иазгәеиҭоит ари апроект аиаша аарԥшразы аҵак ду аманы ишыҟоу.
"Ниурнбергтәи апроцесс – еиуеиԥшым аҵакы змоу актуалтә темоуп. Иахьатәи ҳаамҭаз аревизионизм ҿиоит. Џьоукы рзы Ниурнбергтәи атрибунал аӡбра маншәалан иҟам. Иҟоуп СССР аибашьра зыхҟьаз тәыланы иаазырԥшыргьы зҭаху. Ниурнбергтәи атрибунал ари азҵаара аҭак азы ирҵагашәҟәуп", - ҳәа иҳәоит иара.
VR-детектив абжьы ахарҵеит МХАТ актиорцәа: Владимир Халтурин, Владимир Ровински, Кирилл Ананьев, Валентин Клементьев, Геннади Кочкожаров, Никита Померанцев.