АҞӘА, жьҭаара 21 - Sputnik. Алибералцәа ааԥхьара ҟарҵоит америкаа иҟарҵо зегь рыцҟаҵалатәуп ҳәа, аха уи аҭахым ҳәа иҳәеит Жәларбжьаратәи аимак-аиҿактә клуб "Валдай" апленартә сессиаҿ Урыстәыла ахада Владимир Путин.
"Америкаа иҟарҵо зегьы аҟаҵара аҭахны иҟоума? Мап, аха Урыстәыла иҟоуп алибералцәа усеиԥш ахәҭоуп ҳәа изшьо", - ҳәа иҳәеит иара.
Мраҭашәара иҳаднагало аԥсҭазааратә беиарақәа ҳара ҳзы иҿыцӡам. Урҭ ҳара ҳархысхьеит, иҳәеит иара.
"Асоциалтә прогресс адептцәа ргәы иаанагоит иҿыцу акы ауаа ирыдыргалоушәа. Ргәы иаанагалааит… урҭ иҳадыргало ҳара ҳахысхьеит", - ҳәа иҳәеит Путин.