АҞӘА, жьҭаара 23 – Sputnik. Урыстәыла агәабзиарахьчара аминистрра акоронавируси аимҳәеи рзы зныкала алаҵаҟаҵара азин ҟарҵоит. Абри атәы аанацҳауеит РИА Новости аусбарҭа апресс-маҵзура ашьаҭала.
" Агәабзиарахьчара аминистрра акәшаҳаҭуп аҿкчымазареи аимҳәеи рлаҵақәа аицыҟаҵара",- ҳәа аҳәоит аацҳамҭаҿы.
"Спутник V" аимҳәа азы алаҵеи аицҟаҵараз аклиникатә ҭҵаарақәа мҩаԥыргаанӡа иҟаҵаз агәаҭарақәа рҿы иаарԥшын, аҩлаҵак рыҟны аиммунитет шымлаҟәуа.
Заанаҵтәи адыррақәа рыла аимҳәаҟынтә Аԥсны ауааԥсыра алаҵа рзыҟаҵара хацыркхоит жьҭаарамза анҵәамҭа абҵарамза алагамҭаз.
Аԥсны акоронавирус азы алаҵа "Спутник Лайт" иалагеит нанҳәамза 10 инаркны. Аҵыхәтәантәи адыррақәа рыла, алаҵа ҟарҵахьеит х-нызқьҩык инарзынаԥшуа.